Aya tfawt n webrid qa txesyed x umehdar
War xessi xf unermad ra yemzi ra yamghar
Xsegh as ad issurf war is itnotir udar
Isurifen ghar zzat war tdji bu ghardeffar
Yallah a aytma ad negget tizemmar
Ad negget fus deg fus ad nari t ghar wedrar
Yallah a aytma ad nruhet an neymar
Ad nettef taqubbanit ad ttnendar di rebhar
I mecehar zeg uraji ghar yimar?
Tghuri ma ad zzay s iwwet wenzar
Anzar n wajjaj i zi d ihemmer yeghzar
Huma ad yisi taqubbanit ad t tisweddar
Manaya d rmuhar!!
Taqubbanith d yeghzar
Nithni d imddukar?
Am ufus ucewwar deg fus n wemjar
Aya tfawt n webrid sseqsigh xaf m assegwas
Assegwas n tghuri d zziyar i webyas
Iwenni war yeghrin rebda tawras
Nettat am unzar marra zzay s id itas
Tghuri d tfawt marra ntwara ghar s
Aya tfawt n webrid qa txesyed x umehdar
Netta d tisit nnegh neccin day s nxezzar
Aya tfawt n webrid qa txesyed x umehdar
Netta d tisit nnegh neccin day s nxezzar
Abdelhakim El Ouastani